Bergensbøller søker baluba

Kva får du viss du kryssar bergensarane Jan Eggum og Davy Wathne? Eller Dagfinn Lyngbø og Sissel Kyrkjebø? Sannsynlegvis noko som liknar på tospannet Thomas Anton Sandøy og Dagfinn Vik. Duoen vaks opp saman på Askøy utanfor Bergen. No er dei i ferd med å erobre show-business miljøet i brøle-byen.

Bergensbøllene Dagfinn Vik og Thomas Anton Sandøy. Her på ein teambuildingstur på Hardangervidda i sommar.

Den 28. november vitjar dei Jæren i anledning Ane og Anders sin bryllaupsfest. Der vil dei ta deg i handa og leie deg gjennom kveldens innslag. Alt er spikra, bortsett frå innslaga.

- Vi håpar at mange bidreg, seier Thomas Anton.
- Her er ingen rom for å vere beskjeden, legg Dagfinn til.
Karane understrekar at det er ingen krav til kvalitet, sjølv om dei sjølv vil prestere i toppklasse.
- Kva gjer dei som vil kaste seg utpå?
- Send ein epost til dagfinnvik(at)hotmail.com eller tsandoey(at)hotmail.com, så skriv vi deg opp på vår liste. Vi blir kjempeglade for alle innslag, smiler dei.